Vlora ka joshur me pak pushues per kete sezon turistik. Ndryshe nga vitet e kaluara, ku ajo eshte vleresuar si “mbreteresha” e turizmit, kete vit qyteti gati eshte “braktisur” nga pushuesit vendas, por edhe ata te huaj.
Per drejtorin e zyres se turizmit ne Bashkine e Vlores, Ilir Metaj, kjo ka ardhur nga problemet e shumta qe shoqeruan sezonin turistik te ketij viti.
Mungesa e infrastruktures, energjise elektrike dhe ujit te pijshem, por edhe zgjedhjet legjislative ne fund te qershorit, mendohet se kane qene faktore ne uljen e numrit te pushuesve.
“Infrastruktura rrugore kete sezon ka lene mjaft per te deshiruar. Hapja e rrugeve per shtrimin e tubacionit te ujit te pijshem, ndonese piku i sezonit turistik, kane krijuar jo pak probleme ne levizjen e pushuesve. Nderkohe, problemet me furnizimin me uje te pijshem dhe sidomos me energji elektrike pergjate gjithe zones bregdetare, ka bere qe shume prej pushuesve te nderpresin pushimet dhe shume te tjere te pezullojne prenotimet”, ka thene Metaj.
Sipas tij, vendimi per mbylljen e diskove verore pas mesnate, ka ndikuar ne uljen e frekuentimit te bregdetit vlonjat.
“Per mua vendimi per kufizimin e orarit te diskove verore ka qene si nje shtetrrethim per frekuentuesit e jetes se nates, qe gjate sezonit turistik jane te shumte ne numer. Pa dashur te bej politike, dua te ngre shqetesimin se ajo qe eshte me e keqja, eshte fakti se vendimi u vendos ne menyre selektive. Çuditerisht ne bashki te tjera si: Himare apo Sarande, nuk pati kufizime per frekuentuesit e jetes se nates”, ka shtuar me tej drejtori i zyres se turizmit ne Bashkine e Vlores.
Nderkohe, sipas tij, mbetet problem ligji i moratoriumeve te skafeve.
“Ky eshte i katerti vit rresht qe me kete moratorium te famshem te ndalimit te mjeteve lundruese te detit, ka penguar zhvillimin e turizmit. Nuk mund te goditen te gjithe ata persona qe duan ta ushtrojne kete veprimtari per te shijuar resurset turistike qe ofrojne bregdetet tona ose turizmi me mjete detare me motor”, ka shtuar Metaj.
Sipas tij, zgjedhjet legjislative, te zhvilluara ne pikun e sezonit turistik, pati mjaft ndikim jo vetem ne frekuentimin e bregdetit vlonjat, por te te gjithe vijes bregdetare te vendit.
Top Channel
