Banoret e fshatrave te Valiasit te Ri, Kasalles, Qerek dhe Tapizes, te cilet qe prej disa ditesh po protestojne kunder grumbullimit dhe djegies se plehrave prane banesave te tyre jane takuar dje per kete problem me kryebashkiakun e Kamzes Xhelal Mziu.
Sipas banoreve, ne kete takim jo vetem qe nuk kane gjetur nje zgjidhje, por edhe jane kercenuar me jete nga kryetari i Bashkise se Kamzes.
Nga ana tjeter, ky institucion, ne nje qendrim zyrtar, beri te ditur dje se “vend-depozitimi i mbeturinave me nje siperfaqe prej 4.3 hektaresh, eshte prone shteterore dhe bashkia nuk lejon tjetersimin e saj per interesa private te askujt”.
Po keshtu, theksohet se “ne kuader te marrjes se pergjegjesive, Keshilli Bashkiak Kamez ka marre vendim te posaçem per vend depozitimin e plehrave te Bashkise se Kamzes ne kete siperfaqe.
Vendimi eshte i konfirmuar ligjerisht edhe nga Prefektura e Tiranes. Eshte studiuar me kujdes te veçante dhe eshte marre miratimi edhe i KKRT Kamze per kete vend depozitimi te plehrave”.
Drejtuesit e Bashkise se Kamzes pranuan se problemi eshte shqetesues per te gjithe banoret e ketyre zonave duke krijuar kushte jo normale per banim e ne ndotjen e mjedisit.
Top Channel
