Brenda dy diteve mbi 200 raste te reja me gripin e derrit jane regjistruar nga organet greke te shendetit duke e cuar numrin e te prekurve me virusin A/H1N1 ne mbi 1650.
Madje gazeta “Ta Nea” shkruan sot ne faqen e pare te saj se Greqia ze vendin e katert ne Europe per sa i perket numrit te te semureve.
Nga ana e tyre organet shendetesore greke bejne thirrje per qetesi duke theksuar masat qe ka marre qeveria.
“Qytetaret greke te ndjehen te sigurte dhe te qete. Te marrin masat personale te mbrojtjes, sepse jane te rendesishme ne kete perpjekje te pergjitshme ndaj gripit dhe duhet te dine se shteti yne eshte ne gatishmeri”, eshte shprehur ministri i Shendetesise, Dimitris Avramopulos.
Ne kete kuader Keshilli Kombetar Shkencor i perballimit te pandemise se gripit ka marre vendim qe pavaresisht rritjes se numrit te rasteve, shkollat ne Greqi te hapen ne daten e caktuar, ne 11 shtator.
“Me kushtet e sotme shkollat hapen ne 11 shtator dhe pervec kesaj nje grup i vogel specialistesh ka hartuar me hollesi udhezimet qe do te cohen ne shkolla”, tha mjekja patologe, Eleni Giamarelou.
Sipas nje programi te posacem te ketij keshilli jane planifikuar edhe 5 grupet e personave qe do te kene prioritet per t’u vaksinuar sipas shkalles se rrezikshmerise.
Ne grupin e pare do te jene personeli mjekesor, grate shtatzena deri ne muajin e 3-te dhe gjithe ata qe kujdesen per femije nen moshen 6 vjec.
Ne grupin e dyte personat me semundje kronike, diabetiket, pacientet me probleme kardiake, ne mushkeri dhe ne veshka.
Me pas gjithe grup-moshat nga 18 deri ne 49 vjec, personat e shendetshem nga 49 deri ne 65 vjec dhe ne fund te moshuarit mbi 65 vjec.
Femijet dhe adoleshentet deri ne moshen 18-vjecare nuk do te vaksinohen per arsye, sepse sic theksojne specialistet, jane grupmosha qe preket me pak nga ky virus si dhe per arsyen se ka shume skepticizem persa i perket efekteve anesore te vaksines se re.
Top Channel
