Shkollat e Tiranes, riparimet drejt fundit

Nje premtim i tille vjen nga drejtori i Ndermarrjes se Punetoreve Nr.3 te Bashkise se Tiranes, Irfan Hysolli. Deri tani, sipas drejtorit Hysolli, ka perfunduar mbi 60 per qind e punimeve qe duhen kryer per riparimin e te gjitha demeve qe jane kryer nga nxenesit pergjate vitit te kaluar shkollor.

Fillimisht puna ka nisur me kryerjen e verifikimeve ne te gjitha shkollat kryeqytetase per te evidentuar defektet e shkaktuara nga nxenesit apo amortizimi i godinave. Me pas eshte hartuar edhe preventivi i nderhyrjeve qe duheshin kryer ne kete hark kohor deri ne fillimin e vitit te ri shkollor.
Drejtori i Ndermarrjes se Punetoreve Nr.3 te Bashkise se Tiranes tregon se riparimet qe po kryhen ne shkolla lidhen kryesisht me punime marangozi, elektriku, hidrauliku, por edhe me punime nyjash sanitare.

Nje vend te vecante ne pergatitjen e objekteve mesimore ze edhe lyerja e tyre e brendshme, por pa harruar fasadat. Keshtu, drejtori Hysolli shpjegon se cdo vit lyhen dy te tretat e shkollave kryeqytetase. Ne total punonjesit e Bashkise se Tiranes deri ne fund te gushtit, kur eshte edhe koha qe do ta perfundojne kete proces, do te lyejne 165820 metra katrore siperfaqe te brendshme te ketyre objekteve arsimore. Ne total keto siperfaqe perkojne me 31 shkolla kryeqytetase. Gjithashtu pritet qe shume shpejt te mbyllet edhe lyerja e 9 fasadave te shkollave.

Nje tjeter sfide per punonjesit e bashkise mbetet edhe riparimi i cative te shkollave, si dhe kryerja e hidroizolimit te tyre. Te gjitha keto punime jane parashikuar dhe puna po vijon per mbylljen e tyre ne kohen e caktuar, konfirmon drejtori Hysolli.

Duket se ne shkollat kryeqytetase, ndonese paraqesin nje nivel te mire krahasuar me rrethet, nuk edukohen engjej. Kjo pasi ne te shumten e puneve qe po kryen bashkia per riparimin e shkollave demet jane shkaktuar nga pakujdesia apo “lojerat” e nxenesve.

Dhe qe kete vit cdo gje te jete ne rregull, duhet te kryhen nje sere riparimesh, qe nuk kushtojne pak ne total. Keshtu, pas verifikimeve te kryera ne te 72 shkollat kryeqytetase te sistemit parauniversitar publik, rezultoi se eshte i domosdoshem riparimi i 4300 karrigeve dhe tavolinave. Duhen rregulluar 240 dyer prej druri dhe duralumini, do te zevendesohen 627 brava, si dhe po punohet per riparimin e 561 celesave elektrike.

Punetoret e bashkise po zevendesojne 2760 neone. Nderkohe qe nje tjeter problem eshte ai i xhamave te thyer qe duket se nuk kane munguar qe te shnderrohen ne shenjestra te inateve apo prapesirave te tjera te nxenesve. Jane 381 metra katrore xhama ne keto shkolla qe duhen nderruar, por nuk mungojne as defekte te tjera si zevendesimi apo riparimi i grupeve te lavamaneve, vendosja e 240 metrave katrore me pllaka gres dhe parkete.

Ne punimet qe po kryhen ne shkolla eshte edhe kryerja e hidroizolimit per 970 metra katrore cati, si dhe 150 metra katrore punime muratori.

Nga ana tjeter, perfaqesuesit e Bashkise se Tiranes shprehen te kenaqur edhe per nivelin e bashkepunimit si me drejtuesit e Drejtorise Arsimore Rajonale kryeqytetase, ashtu edhe per “menaxheret e shkollave. “Eshte rritur pergjegjshmeria nga ana e drejtuesve te shkollave per te mirembajtur ambientet”, shprehet Irfan Hysolli.

Keshtu, ne krye te listes se me te rregulltve ne kryeqytet rreshtohen “Qemal Stafa”, “A.Z.Cajupi”, “Eqrem Cabej”, “Ismail Qemali”, shkolla 9-vjecare “Isa Boletini”, “Deshmoret e Lirise”, “4 Deshmoret” dhe “Shyqyri Peza”.

Ndersa me teper vleresohet se duhet te punojne ne kete drejtim drejtuesit e shkollave “Aleks Buda”, “Qazim Turdiu”, “Osman Myderizi”, “Qemal Ataturk”, “Sander Prosi” etj.

Ne qytetin e Tiranes aktualisht numerohen 15 gjimnaze dhe 57 shkolla 9-vjecare. Ne total kete vit numri i nxenesve qe pritet te ulen ne bankat e sistemit parauniversitar kryeqytetas eshte 84370 nxenes.  
 

Top Channel