Sport

FSHF: E drejta televizive, gati javen tjeter

14/08/2009 20:15

Kur kane mbetur edhe 9 dite nga starti i Superliges, projekti i shitjes se te drejtave televizive te futbollit shqiptar tashme ka hyre ne fazen finale.

Sekretari i FSHF, Eduart Prodani pohon se po negociohet me klubet skema e shperndarjes se te ardhurave qe do te fitohen nga kjo e drejte televizive, proces qe pritet te zhvillohet ne mesin e javes se ardhshme.

“Jemi duke u futur ne fazen perfundimtare me kompanine ‘AufaSports’, e cila eshte partnere zyrtare e federates per komercializimin e kampionateve kombetare. Besoj jave tjeter nga e merkuara do te bejme procesin e shitjes se te drejtave medias”, tha Prodani.

Sekretari i FSHF theksoi se pjese e projektit te komercializimit te futbollit shqiptar do te jete dhe kampionati i femrave qe do te nise per here te pare kete sezon.

“Jane te gjitha aktivitet futbollistike kombetare, kampionati superior, kategoria e pare, Kupa e Shqiperise dhe kampionati i femrave qe zhvillohet per here te pare sipas udhezimeve te FIFA-s”, perfundoi sekretari Prodani.

Top Channel