Pensionistet nuk do te kene fatin e mire per te marre me shume te ardhura, sikurse ndodhi kete vit zgjedhjesh. Ne vitin 2010 nuk parashikohet rritje pensionesh te permasave elektorale, duke u mjaftuar ne disa shtesa modeste.
Paralajmerimi vjen nga Ministria e Financave, e cila ne projektbuxhetin e vitit 2010 ka vendosur nje shifer dy here me te ulet ne zerin “politike per rritje pensioni”.
Konkretisht, ne dispozicion te pensionisteve, qeveria ka vendosur nje fond prej 2.7 miliarde lekesh, shtese qe do te perdoret per rritjen e zakonshme ne muajin korrik te vitit qe vjen.
Mesatarisht, fondi per rritjen e pensioneve ne mesin e cdo viti vleresohej ne rreth 5-5.2 miliarde leke. Kete vit, shtesat ishin me te medha, 7.7 miliarde leke, per faktin se efekti per rritjen nisi qe nga muaji maj, ndikuar edhe nga fushata elektorale.
Pavaresisht se Kryeministri ka premtuar rritje cdo vit me 10-15 per qind te pensioneve ne fshat dhe qytet, fondi i perllogaritur per vitin 2010, nuk shkon ne te njejtin parameter.
Politika e qeverise
Edhe pse ka mbetur pak kohe, deri ne miratimin final te projektbuxhetit te vitit 2010, duket se Ministria e Financave e ka planifikuar nivelin e shpenzimeve.
Javen e kaluar eshte miratuar tabela e shpenzimeve per tre vitet e ardhshme, ku vihet re se ulje te fondit per “politike te re pensionesh” do te kete edhe ne vitin 2011.
Megjithate, pavaresisht planit te Financave per te reduktuar shpenzimet e teperta, si gjithnje eshte Kryeministri ai qe ve veton. Madje ne disa raste, shifrat e deklaruara nga Berisha per rritje pensionesh kane befasuar ekspertet e ministrise, duke i detyruar ta hartojne nga e para efektin financiar ne buxhet.
Nuk dihet ende se cfare vendimi do te merret, por shifrat e deklaruara deri tani dhe te miratuara ne Keshillin e Ministrave, tregojne se nuk do te kete me rritje pensionesh si te vitit 2009. Ne kete pike kuptohet qarte se rritja e tyre u be thjesht per qellime fushate, jo se qeveria ka nje strategji te qarte per reformen ne pensione.
Treguesit ne renie
Per rreth 520 mije pensionistet ne fshat dhe qytet, qeveria do te shpenzoje ne vitin qe vjen, 80 miliarde e 917 milione leke, aferisht 10 miliarde me shume se 2009-a.
Ky eshte totali i llogaritur per pensionet qe ndahen cdo muaj dhe nuk ka te beje me shtesat qe miratohen ne qershor. Duke i marre se bashku, fondi i shpenzimeve per sigurimet shoqerore dhe shendetesore parashikohet te jete 106 miliarde e 366 milione leke ose 8.27 per qind e Prodhimit te Brendshem Bruto (GDP).
Duhet theksuar se 2.7 miliarde leke te vendosura per rritje pensioni dalin nga rezerva e shtetit (kontigjenca), per pasoje qeveria ndan edhe 8.3 miliarde leke te tjera, te nevojshme per subvencionimin e humbjeve te shkaktuara nga raporti pensionist/kontribuues.
Shifrat zyrtare tregojne se numri me i madh i pensionisteve ndodhet ne qytet, rreth 370 mije.
Shtesat, rritja e pagave, 3 miliarde leke
Top Channel
