Gjithcka ka perfunduar. Te henen, ne te njejten dite me Ibrahimovic, Eto’o do te zhvilloje vizitat mjekesore tek Interi.
Shkembimi i vitit u realizua: konfirmimi zyrtar eshte shtyre vetem prej formaliteteve te fundit burokratike. Tifozet zikalter duken te kenaqur nga manovrat e klubit, duke regjistruar 33000 abonime per sezonin e ri, nje shifer rekord.
I lumtur eshte edhe Hoze Murinjo, qe pas heshtjes per shtyp, tashme u rishfaq perpara kamerave dhe tregoi mendimet e tij.
“Nuk fola, sepse nuk me dukej se kjo do te ishte sjellja korrekte ndaj klubit. Bera maksimumin per te evituar qe te nderhyja ne nje marreveshje te rendesishme, e cila po zhvillohej me nente ore diference (duke llogaritur ndryshimin e ores ne Europe dhe Amerike). Nuk kam asnje problem me drejtuesit, gjithmone kemi punuar ne grup”, tha tekniku luzitan.
Murinjo duket i kenaqur per shkembimin Eto’o-Ibrahimovic:
“Vetem nje trajner budalla do te thoshte se nuk i vjen keq qe humb sherbimet e Zlatanit. Por, vetem nje trajner budalla mund te thoshte se nuk eshte i kenaqur te punoje me Eto’o. Samuelin e doja edhe kur drejtoja Celsin, por ne ate periudhe Barca e refuzoi oferten. Realisht nuk mendoja se spanjollet do te hiqnin dore prej tij dhe kjo ishte arsyeja perse thashe qe Ibra do te qendronte. Megjithate, 50 milione euro dhe Eto’o per Ibrahimovic eshte nje levizje e shkelqyer ne merkato. Per mua personalisht, Eto’o eshte po aq i rendesishem sa Zlatan: nese ky i fundit vlen 50 milione euro, kamerunasi vlen 49”.
Trajneri eshte i bindur se do te kete ne dispozicion nje skuader me te forte se ajo e sezonit te kaluar. Objektivi i vendosur nga Morati mbetet Liga e Kampioneve…
“Per Champions-in do te garojne 7-8 skuadra, ku vetem 2-3 prej tyre jane me te forta se ne, por une jam optimist. Morati e kerkon me patjeter kete trofe? Nese e deshiron kaq shume, mund t’i bej nje kopje te Kupes qe kam ne shtepi”, tha Murinjo duke qeshur.
Top Channel
