Te merkuren, me date 22, Komiteti Ekzekutiv ne Federaten Shqiptare te Futbollit do te mblidhet per te vendosur rreth struktures se Kategorise Superiore.
Kater skuadrat qe nuk mbijetuan ne elite (Partizani, Elbasani, Lushnja dhe Bylisi) kerkuan shnderrimin e formules se kampionatit, duke e bere me 14 skuadra.
Ne mbledhjen e zhvilluar me 17 qershor, Ekzekutivi nuk mori asnje vendim, pasi me shume se gjysma e ekipeve qe do te militojne ne aktivitetin me te rendesishem ne sezonin e ri u treguan indiferente ndaj kesaj kerkese, ndersa Laçi dhe Kastrioti u shprehen kunder.
Gjate gjithe kesaj kohe, grupi i punes, i kryesuar nga anetari i ekzekutivit, Skender Hyka e sekretari i pergjithshem i FSHF-se, Eduard Prodani, kane shqyrtuar te gjithe dokumentacionin e mbledhur rreth kalimit apo jo me 16 skuadra. Ne takimin e radhes te organit me te larte vendimmarres te futbollit, ata do te paraqesin argumentet e mbledhura, ndersa me pas do te vendoset rreth fatit te Superiores.
Hyka dhe Prodani do te paraqesin nje relacion te gjere, i cili do te diskutohet nga anetaret e KE-se, qe ne sinkron me statutin e federates, por edhe ne baze te konsultave me UEFA-n do te percaktojne se si do te jete kampionati i ardhshem. Nese faktet e paraqitura nuk jane bindese, atehere Partizani, Elbasani, Lushnja dhe Bylis do te luajne ne Kategorine I, ndersa elita e futbollit ne vend do te qendroje te pakten edhe per nje sezon me 12 skuadra.
Top Channel
