Gerdeci, rrezohen familjaret
20/07/2009 15:00
Reshje shiu dhe temperatura të larta, ja si parashikohet moti këtë të martë 06/05 07:29
Pas 26 te vrareve nga shperthimi i Gerdecit, familjaret e viktimave te tragjedise se 15 marsit humbasin ne Kushtetuese te drejten per te ndjekur procesin ndaj personave te akuzuar nga prokuroria.
Gjykata Kushtetuese ka vendosur te mos kaloje ceshtjen ne seance penale, menjehere sapo 17 familjare te viktimave iu drejtuan per t’u ankuar mbi vendimin e Gjykates se Larte, qe i veconte ata nga procesi duke i derguar ne nje proces me vete civil.
Ne vendimin e Kolegjit, Gjykata Kushtetuese shprehet se ndodhet perpara nje vendimi te ndermjetem qe nuk ka te beje me nje gjykim perfundimtar dhe ne keto kushte kur gjykata nuk ka nisur hetimin gjyqesor pretendimet e kerkuesve nuk gjejne pasqyrim ne aktet e kesaj ceshtjeje.
E kontaktuar ne telefon nga Top Channel avokatja e familjareve te tragjedise Blerta Kraja pohoi se pas ketij vendimi familjaret e tragjedise do t’i drejtohen gjykates se Strasburgut, pasi gjykatat shqiptare kane precedente te meparshem ku pala e demtuar ka te drejte ta ndjeke procesin gjyqsor ndaj te akuzuarve.
Me heret familjaret e tragjedise paditen ish ministrin e Mbrojtjes, Fatmir Mediun, Mihal Delijorgjin, Alba Demil dhe kompanine Meico duke kerkuar 20 milione leke demshperblim per cdo jete te humbur ne Gerdec.
Por padia e tyre nuk u bashkangjit me kete proces duke perfunduar ne gjykaten civile te Tiranes. Ne Gjykaten penale te Tiranes ndodhen nen akuze edhe 29 te pandehur te tjere, me nje seance qe shpresohet te zhvillohet kete jave, nderkohe qe Gjykata e Larte ka ne pjese per te gjykuar ne kete ceshtje ish ministrin e Mbrojtjes, Fatmir Mediu.
Top Channel
