Nje 53-vjeçar ka gjetur vdekjen ne Tirane teksa punonte per firmen “Arkens”. Burimet policore te kryeqytetit bene te ditur se per kete ngjarje te rende eshte derguar per ndjekje penale pronari i firmes, nderkohe qe punohet per dokumentimin e plote te saj.
Sipas informacioneve nga grupi hetimor ne Komisariatin Nr. 1, filloi procedimi penal ne gjendje te lire per Sadri Buçpapajn, 49 vjeç, banues ne Kamze, me arsim te larte, pronar i nje firme ndertimi.
Sipas policise, ky person u dergua per ndjekje penale, sepse ne oren 09.30 te mengjesit te djeshem, ne rrugen “Shemsi Haka”, duke punuar ne kete firme eshte aksidentuar me vdekje Jake Strala, 53 vjeç, banues ne Shkoze.
Me tej, uniformat blu shpjeguan se pronari i firmes mund te ndiqet penalisht sipas nenit 289 te Kodit Penal, qe ka te beje me shkeljen e rregullave te mbrojtjes ne pune.
Ne kete nen deklarohet se shkaktimi i vdekjes ose demtimi i rende i shendetit te personit, ardhur si pasoje e mosrespektimit te rregullave qe kane te bejne me punen, prodhimin, sherbimin, te percaktuara ne ligj, ne aktet e Keshillit te Ministrave apo ne rregulloret perkatese te sigurimit teknik, te disiplines teknike, te mbrojtjes ne pune, te higjienes dhe sigurimit nga zjarri, prej personave te ngarkuar me respektimin e rregullave dhe marrjen e masave ne zbatim te tyre, denohet me gjobe ose me burgim deri ne dhjete vjet.
Top Channel
