Nje studio nderkombetare projektimi pritet te marre ne dore masterplanin e qytetit te Korces.
Konkursi nderkombetar ka sjelle ne fazen finale kater studio nderkombetare projektimi mbi hartimin e masterplanit per qendren e qytetit te Korces. Ne nje panel diskutimi, kater studiot finaliste nga Gjermania, Portugalia, Belgjika dhe Holanda kane paraqitur idete dhe projekte.
Te gjitha keto lidhur me transformimin e qytetit juglindor nga ana urbanistike, duke ruajtur edhe karakteristikat e qytetit, natyres tradicionale, ndertimet e vecanta.
Rikonstruksioni i qytetit do te gershetohet mes vlerave tradicionale dhe arkitektures moderne.
Te kater studiot kane paraqitur per nje ore rresht para korcareve, specialisteve te urbanistikes dhe arkitekteve, por edhe para nje jurie nderkombetare projektet e parashikuara prej tyre.
Keto kane pasur nje bosht te perbashket, transformimin e qytetit te Korces me shtim te hapesirave publike, ndertimin e nje zone pedonale, krijimin e hapesirave te gjelbra, kendeve per lojera sportive, parkingje per mjetet, rinovimin e godinave ekzistuese dhe ndertime te reja te karakterit modern.
Te kater studiot kane sjelle idene e transformimit te qytetit ne kete masterplan te hartuar prej tyre, nga ku do te shpallet gjate dites se enjte. Vetem nje nga keto studio do te kete ne dore ndertimin e Korces se re sipas projektit te paraqitur, nderkohe qe te gjitha idete kane qene interesante.
Mes tyre ka spikatur projekti holandez, qe parashikon krahas nderhyrjeve per urbanizimin, modernen, ruajtjen e vlerave karakteristike, ndertimin e nje siperfaqe ujore te ngjashme me nje liqen artificial. Brenda qendres tregtare te parashikuar ne kompleksin qe perfshin zonen pedonale dhe ndertimet ne bulevardin kryesor.
Me nota te reja per urbanizimin e Korces kater studiot qe jane vene ne kete gare finale do te marrin vleresimin nga ana e jurise qe do te perzgjedhe studion fituese, nderkohe qe nje cmim do te jepet nga ana e publikut, i cili do te zgjedhe sipas preferences studion me te mire te projektimit qe do te behet pjese e bashkepunimeve me Bashkine e Korces. Me votat e nje jurie te posacme, studioja fituese qe do te shpallet diten e enjte do te kontraktohet nga ana e Bashkise se Korces per zbatimin e projektit te masterplanit.
Top Channel
