Sigurimet shendetesore per personat e vetepunesuar kane pesuar rritje deri ne dyfishim, ndersa per disa kategori ka pasur ndryshime te nivelit te takses.
Vendimi u mor dje nga qeveria, si mjet i duhur per te rritur te ardhurat e ISKSH-se, e cila nga 1 janari 2009 ka marre persiper t’i menaxhoje vete spitalet ne rang vendi.
Mesohet se fatura financiare eshte teper e larte, per rrjedhoje Kryeministri Berisha mori guximin per rritjen e takses gati nje jave para zgjedhjeve.
Kontributet shendetesore per personat e vetepunesuar behen 7% mbi pagen bruto, nga 3.4%, ndersa efekti financiar shtrihet qe ne 1 maj 2009. Nga kjo date, shuma minimale mujore e kontributeve per te gjitha deget e sigurimit do te jete 4 497 leke. Shuma minimale mujore e kontributit te sigurimit shendetesor per te vetepunesuarit dhe per pjesetaret e familjes, te patrajtuar me page, do te jete 7% e pages minimale mujore, e barabarte me 1 128 leke.
Po ashtu, kontributi i detyrueshem per sigurimet, shoqerore e shendetesore, per te punesuarin, do te jete 27.9% e pages bruto mujore, sipas listepageses, ku pjesa e punedhenesit te jete 16.7% dhe pjesa e te punesuarit 11.2%. Kontributet llogariten nga punedhenesi, mbi pagen bruto.
Ai mban nga paga e punetorit 9.5% per sigurim shoqeror dhe 1.7% per sigurim shendetesor e se bashku me pjesen e tij 15% te pages, per sigurim shoqeror dhe 1.7% te pages per sigurim shendetesor, e deklaron dhe e paguan ne llogarine bankare, te percaktuar per kontributet.
Kontributi i detyrueshem per te punesuarit me kontrate pune, qe zgjat me pak se 87 ore ne muaj, do te jete 26.7% te pages bruto, sipas listepageses, ku pjesa e punedhenesit te jete 15.6% dhe pjesa e te punesuarit 11.1%, por jo me pak se niveli minimal i pages bruto, kurse per te punesuarit me kontrate pune, qe zgjat me pak se 1 jave, do te jete 3.7% te pages bruto, ku pjesa e punedhenesit te jete 2% dhe pjesa e te punesuarit 1.7%.
Gjithashtu eshte rritur edhe kontributi i detyrueshem per sigurimet shoqerore, per personat qe punojne si punetore shtepie ne 1 200 leke ne muaj.
Top Channel
