Raporti i trete i zyres se OSBE-se per institucionet demokratike dhe te drejtat e njeriut, ODIHR, vleresoi televizionin Top Channel si nje nga dy kanalet me te balancuar persa i perket kohes se vene ne dispozicion partive politike per fushaten elektorale, ndryshe nga sa deklaroi nje dite me pare Bordi i Monitorimit te Medias dhe KQZ.
“Monitorimi i medias nga MVZ per periudhen qe nga fillimi i fushates zyrtare me 28 maj deri me 10 qershor, tregon se dy nga 5 operatoret e monitoruar u kane vene ne dispozicion dy partive kryesore nje sasi kohe te barabarte transmetimi”, thuhet nder te tjera ne raport. “Top Channel i ka dhene 37% te kohes PD-se dhe 34% PS-se”, theksohet ne raport.
Raporti ben te qarte keshtu menyren e balancuar dhe profesionale qe televizioni Top Channel i ka bere fushates elektorale qe nga fillimi i saj.
Gjithashtu, raporti i trete i ODIHR-it per fushaten zgjedhore thekson se ajo ka vazhduar pergjithesisht e qete, ndonese ne disa zona ka pasur rritje te tensionit. Por ne raport vihet ne dukje edhe perdorimi i aktiviteteve zyrtare ne funksion te fushates elektorale.
“Ne disa raste te konfirmuara nga vezhguesit e ODIHR-it, shkollat u mbyllen qe nxenesit te merrnin pjese ne keto aktivitete, ndersa misionit vezhgues vazhdojne t’i vijne aludime se mbi punonjesit e sektorit publik po ushtrohet presion”, thuhet mes te tjerash. Ne raport permendet serish kontestimi i listes se zgjedhesve nga PS, por edhe problemet teknike qe vazhdojne t’i raportohen misionit vezhgues ne lidhje me shperndarjen e kartave te identitetit.
Po ashtu permenden edhe incidentet e ndryshme me prishjen e tendave dhe sulmet ndaj zyrave elektorale te partive por edhe vrasja ne qerret te Durresit pas nje grindjeje per vendosjen e posterave.
Top Channel
