Nje kompani e huaj ka dorezuar kerkesen ne qeveri per te marre me koncesion prodhimin e pullave fiskale te mallrave te akcizes, gje qe pritet te sjelle rritje te çmimeve te mallrave te akcizes ne treg, ku me te rendesishmet jane cigaret dhe alkooli, behet e ditur nga burime jozyrtare nga qeveria.
Kompania, emri i se ciles nuk behet ende i ditur, ka dorezuar nje “oferte te pakerkuar”, hapi i zakonshem qe ne Shqiperi prodhon nje koncesion. Zyrtare te Ministrise se Financave e konfirmuan lajmin per mberritjen e kerkeses, por thane gjithashtu se “ministria deri tani nuk ka marre asnje vendim”.
Eksperte te tatimeve verejne se zbatimi i nje sistemi te ri do te kete nje efekt margjinal ose nuk do te kete efekt fare ne luften kunder evazionit fiskal, por kostoja e sistemit te ri do te rendoje automatikisht mbi konsumatoret, te cilet do te detyrohen te paguajne çmime me te larta per pullat e reja dhe sistemin shoqerues.
Pullat
Pullat e akcizes blihen nga kompanite tregtare ose prodhuese te cigareve dhe pijeve alkoolike (me perjashtim te birres) dhe aktualisht kushtojne rreth 5 leke per cope.
Propozimi per koncesion qe qeveria po shqyrton aktualisht, synon te prodhoje “pulla me cilesore” me numer serie dhe te kontrollueshme ne treg.
Qeveria eshte e shqetesuar per rritjen e sasise se pullave fiskale te paketave te duhanit qe rezultojne te jene te falsifikuara, por ekspertet verejne se nxjerrja e nje pulle me me shume elemente sigurie e me shume kosto, nuk eshte se e zgjidh problemin, thjesht sa i ben pullat me te shtrenjta, gje qe rendon mbi konsumatoret.
Shqiperia kishte pulla te thjeshta pa elemente sigurie deri ne vitin 2002. Pullat e atehershme kishin nje çmim prej vetem 1 leku per cope.
Qeveria vendosi nje pulle te re me shirit sigurie qe reflekton driten dhe pasqyron ngjyra te ndryshme ne kende te ndryshme. Pulla e re kushtonte pese here me shtrenjte dhe u vendos me justifikim te njejte me ate qe eshte sot: shmang evazionin fiskal permes perdorimit te pullave te akcizes te prodhuara ne menyre te paligjshme.
Por situata me evazionin nuk ndryshoi shume. Sipas vleresimeve te grupimeve kunder konsumit te duhanit p.sh, del se konsumi real ne Shqiperi eshte rreth 30 per qind me i larte nga sa deklarohet nga administratat tatimore e doganore.
Nje ekspert i mallrave te akcizes prane tatimeve tha se vendosja e nje sistemi te ri nuk ndihmon shume ne luften kunder evazionit fiskal, pasi cilesia e pulles se sigurise nuk eshte shkaku i evazionit.
Top Channel
