Vendi

Asnje shperblim per “menaxheret” e matures

02/06/2009 08:20

Buxheti i Matures Shteterore 2009 do te tregohet teper kurnac me mesuesit. Arsimtaret-administratore te klasave, ku te rinjte do t’u nenshtrohen provimeve te matures, si atyre te detyrueshme dhe te lendeve me zgjedhje do te paguhen si ne nje dite normale pune.

Ne dieten e shpenzimeve kete vit jane perfshire edhe vleresuesit e testeve, te cilet do te detyrohen qe te punojne me nje ngarkese jonormale. Por, pavaresisht ketij fakti, ata do te paguhen sipas oreve te punes, qe do te kryejne dhe nuk do te munden te perfitojne nje rroge shperblim, si ne vitet e kaluara.

Nderkohe qe pagesa e administratoreve te klasave ne vitet e meparshme te matures shteterore ka qene 3 mije leke te reja, qe per pagat e arsimtareve konsiderohej si nje mundesi mjaft e mire per buxhetin personal.

Perfaqesues te Agjencise se Vleresimit te Arritjeve te nxenesve konfirmojne ndryshimet e bera nga ana e Ministrise se Arsimit ne kete vigjilje provimesh, me te rendesishmet per te ardhmen e rreth 47 mije te rinjve ne te gjithe vendin.

Nga ana tjeter, vete mesuesit qe do te detyrohen te administrojne klasat dhe maturantet ku do te mbahen provimet shprehen te shqetesuar. Ata e konsiderojne jo te logjikshem kete vendim per te mos pasur nje shperblim financiar per punen qe do te kryejne.

Kjo, edhe per faktin se, sipas tyre, pergjegjesia ne ditet e ketyre provimeve nuk mund te barasvleresohet me ato te nje dite pune normale. Ne rregulloren e Matures Shteterore ka nje kapitull te veçante qe u kushtohet detyrimeve dhe pergjegjesive te administratoreve te klasave te ketyre kater provimeve.

Top Channel