A mund te ndalohet perdorimi politik i imazhit te femijeve gjate fushatave elektorale?
Rasti eshte i ngjashem me reklamat tregtare. Kur prinderit apo kujdestaret ligjore te femijeve e lejojne kete gje, e madje neper mitingje u zgjasin lidereve femijet e tyre per t’i puthur, gjithçka eshte ne rregull.
E njejta gje per afishet apo reklamat politike, ne momentet kur partive u duhet te ilustrojne interesin e tyre per kete shtrese te shoqerise. Sikurse mediat dhe aktore te ndryshem te shoqerise civile kane denoncuar, problem perben perdorimi i detyruar i femijeve.
Kryesisht ne rastet e nderprerjes se mesimit. Ky shqetesim mberriti edhe te Presidenti i Republikes me 1 qershor, diten nderkombetare te femijeve. Kreu i shtetit priti ne Pallatin e Brigadave nje grup te rinjsh dhe nje tjeter me nxenes te dalluar te nje shkolle 9-vjeçare ne kryeqytet.
Duke perfitur nga rasti Presidenti ndau shqetesimin e perdorimit te te miturve nen 18 vjec per te mbushur sallat apo mitingjet elektorale, gje qe demton procesin arsimor dhe edukues te te miturve, pasi i shkeput nga mesimi si dhe perdoret imazhi i tyre per qellime elektorale te partive politike ne Shqiperi.
Ky lloj angazhimi bie ndesh jo vetem me normat morale e etike, por edhe me frymen e Konventes se te drejtave te Femijes. Duke i konsideruar te drejta shqetesimet e te rinjve, Presidenti i Republikes i inkurajoi qe te jene aktive ne debatin publik per te shprehur hapur mendimet e tyre, edhe nepermjet takimeve me subjekte te tjera.
Sipas presidentit te rinjte dhe e ardhmja e tyre duhet te trajtohen si perparesi ne programet elektorale te partive politike, dhe se duhet te respektohet barazia gjinore ne perfaqesimin ne Parlament.
Presidenti Topi perfitoi edhe njehere nga rasti per te perseritur apelin e tij per nje fushate zgjedhore ne respekt te rregullave etike e morale.
Top Channel
