Monitorimi, “sherri” i pare

Thuajse ne te njejten kohe, ministri i Puneve te Brendshme, Bujar Nishani ishte ne qendren e personalizimit te leternjoftimeve ne periferi te Tiranes, ku festonte ne menyre simbolike karten e 1 milionte dhe jepte garanci per mbarevajtjen e procesit.

Nderkohe, po ate dite, sekretari per ceshtjet zgjedhore ne Partine Socialiste, Kastriot Islami, i dergonte Ministrise se Brendshme nje leter tjeter me kerkesa per informim mbi personat e pajisur me leternjoftime.

Ne fund te letres theksohej se mungesa e pergjigjes apo nje pergjigje negative, do te vleresoheshin nga Partia Socialiste si tregues shtese me ndikim negativ ne analizen e vleresimit te procesit.

Problemi per bordin e monitorimit lind te pasqyrimi i ketyre aktiviteteve: fushate zgjedhore apo jo? Kater anetare te bordit, Basir Collaku i Mediasatit, Rexhep Polisi dhe Blerina Toslluku te “RD”-se dhe Artur Bego i gazetes “55”, jane te mendimit se deklarimet e Ministrise se Brendshme duhet te konsiderohen “kohe qeveritare”, pra jo fushate.

Kurse deklarimet e cilitdo subjekt zgjedhor lidhur me ceshtjen, duhen konsideruar “kohe fushate”. Po ashtu, edhe koha televizive per ceremonine e perurimit te tunelit, sipas tyre duhet konsideruar si kohe qeveritare.

Iris Luarasi, analiste e medias dhe pedagoge ne shkollen publike te gazetarise dhe dy ish-gazetaret e “Zerit te Popullit”, Shqyri Meka dhe Hamdi Jupe nuk jane te ketij mendimi.

Ata argumentojne se ne baze te balancimit dhe profesionalizmit ne lajme, kronikat ne lidhje me debatin per leternjoftimet mes Islamit (PS) dhe Nishanit (Ministri e Brendshme, pra PD), ose duhen quajtur te dyja fushate, ose te dyja nuk duhen numeruar ne kohen e partive respektive.

Ata citojne Kodin Zgjedhor ku shkruhet se “koha e pasqyrimit te veprimtarive qeveritare qe lidhen me fushaten zgjedhore, perfshihet ne kohen e partise, te ciles i perket titullari i institucionit qe zhvillon veprimtarine”.

Sipas ketyre anetareve te Bordit, leternjoftimet jane pjese e infrastruktures qe lidhet drejtpersedrejti me fushaten zgjedhore dhe si rrjedhim, kjo kohe duhet t’i faturohet titullarit te institucionit.

E njejta gje per tunelin, ku ceremonia e perurimit u shoqerua me flamuj te PD-se dhe sloganin e fushates se demokrateve “Shqiperia po ndryshon”.

Anetaret qe nuk e kane firmosur raportin i kane kerkuar Komisionit Qendror te Zgjedhjeve qe te shprehet per kronikat ne fjale. Pritet qe Bordi i Monitorimit te raportoje ne Komisionin Qendror te Zgjedhjeve te merkuren, 3 maj.

Duke shenuar keshtu mosmarreveshjen e pare brenda bordit te monitorimit, organit qe i sugjeron KQZ-se sjelljen e mediave ne fushate elektorale.

Top Channel