Kaos e kercenime ne gjykate

Per gati dy vjet, cdo te enjte mbi 20 forca te ‘briskut’ sjellin ne salle te pandehurit dhe bashkepunetorin e drejtesise, Adriatik Coli, por pavaresisht masave dhe kostos, drejtesia deri me tani nuk ka arritur te degjoje deshmine e e tij

Edhe atehere kur Gjykata e Krimeve te Renda arriti t’i mblidhte ne seance te gjithe avokatet e asaj qe prokuroria e quan si banda e Durresit, serish gjyqi deshtoi.

Menjehere sapo gjykata ka urdheruar boshatisjen e salles nga mediat per te degjuar deshmine e Adriatik Coli, kane reaguar te pandehurit duke shkaktuar edhe nderprerjen e seances.

I pandehuri Lulzim Berisha ka shkarkuar nga mbrojtja dy avokatet e tij Arben Qeleshi dhe Ilia Ilia, duke shkaktuar edhe tension ne seance.

Gjykata ka urdheruar zevendesimin e tyre me avokate te shtetit dhe per tre te pandehur te tjere te cilet do te jene te dubluar ne rast se kolegu i tyre mungon.

Por Endrit Taullai, thane burimet, kercenoi gjykaten dhe prokurorine me shprehjen : Do ta shihni, ne rast se me jepni nje avokat qe nuk e dua” .

Avokatet, te cilet per mbi 70 seanca jane bere molla e sherrit edhe per palen e prokurorise kane nxitur edhe te pandehurin e te penduarin Aderiatik Coli t’i kercenoje ata me paralajmerimin: “Vazhdoni te mos vini ne proces, se plumin do te hani” .

Ne fakt zvarritja e ketij procesi me mungesen e qellimshme te avokateve ka precedence te meparshme edhe ne gjyqin e njohur si kokaina.

Ne ate kohe mungesa e avokateve e vuri drejtesine perpara pamundesise per te vijuar gjykimin dhe gjykatesit pas disa muajve me radhe e zhbllokuan situaten pikerisht me formulen qe tentoi te perdore gjykatesi Gurali Brahimllari,perjashtimin e avokateve dhe zevendesimin e tyre te detyrueshem.

Top Channel