Pas letres se djeshme te PS-se, drejtuar Ministrise se Brendshme, te ciles i kerkonte me shqetesim qe brenda dates 30 maj t’i vinte ne dispozicion listen e votuesve qe kane pasaporta, te atyre qe nuk kane, por qe kane aplikuar, si dhe listen e votuesve qe kane marre ne dore leternjoftimin, Ministria beri te ditur se i ka nisur partise me te madhe te opozites informacionin e kerkuar (UPDATE).
“Ne kete leter Ministria e Brendshme nenvizon faktin se deri ne daten 26 maj kane aplikuar per leternjoftimet elektronike 1 milione e 100 mije shtetas ku rreth 450 mije prej tyre i takon grupit te personave pa pasaporte. Nga disa testime te bera ne terren rezulton se 160 mije deri ne 260 mije nga grupi i personave qe nuk zoterojne pasaporte jane jashte Shqiperise. Fakt te cilin e kane pranuar edhe perfaqesues te Partise Socialiste. Ministria e Brendshme i ka derguar sot PS-se se bashku me letren, listen emerore te te gjithe votuesve pa pasaporte qe nuk kane aplikuar ende per leternjoftime elektronike”, eshte shprehur zedhenesi i Ministrise.
Por selia roze ka mbetur e pakenaqur nga ky informacion.
“Ne taktiken e kesaj qeverie, fakti i kryer dhe ezaurimi i kohes jane pjese e skenarit edhe per kartat dhe leternjoftimet. Kane derguar vetem listen emerore sipas njesive vendore te votuesve pa pasaporte per te cilet do te japim neser vleresimin e sakte per cilesine e saj. Por ne kemi kerkuar listen emerore te votuesve pa pasaporte qe kane aplikuar dhe jo te atyre qe nuk kane ende aplikuar. Dy kerkesat e tjera nuk jane plotesuar fare”, tha deputeti socialist Kastriot Islami.
Me heret edhe G99 i ishte bashkuar qendrimit te socialisteve per kartat.
“I japim qeverise nje ultimatum qe brenda kesaj jave duhet te tregoje qartazi se ku nuk qendron ky proces. Pas marrjes se kesaj pergjigje do rezervojme te drejten tone per te qene pjese ose jo e kesaj gare”, eshte shprehur Veliaj.
Top Channel
