Kuvend, Berisha kritikon ashper opoziten
15/05/2009 18:50
Reshje shiu dhe temperatura të larta, ja si parashikohet moti këtë të martë 06/05 07:29
Kryeministri Sali Berisha, ne seancen e sotme parlamentare ka kritikuar ashper opoziten per bojkotimin e seances ku ishte planifikuar te miratohej projektligji per gjykaten administrative.
Gjate fjales se tij, Berisha ka bere pergjegjes per kete situate kryetarin e PS, Edi Rama, qe ka zgjedhur te veproje keshtu per shkak te interesave te tij personale.
“Krijimi i gjykates administrative eshte vendimi me i mirepritur nga biznesi shqiptar. Ky ligj hartohet me eskpertizen me te mire nderkombetare. Opozita bojkoton dhe refuzon votat e saj sepse urdherohet faktikisht nga kryetari i bashkise se Tiranes, te cilit ky ligj nuk i lejon me ta trajtoje bashkine si oborrin e tij personal”, ka deklaruar Berisha.
Sipas kryeministrit, Rama e kundershton kete ligj pasi i pengon atij favorizimin e firmave te ndertimit ne dhenien e lejeve.
“Ky ligj nuk i lejon me Rames qe nga qindra firma ndertimi ne Tirane, te preferohen vetem 4 prej tyre. Ky ligj nuk i lejon kryetarit te bashkise qe dhjetera studio projektimi e qindra arkitekte te shkolluar ne vend dhe jashte, te rrafshohen dhe injorohen per kryeqytetin dhe vetem dy studio te marrin 50 leje ndertimi”, ka theksuar Berisha.
Kryeministri ka shtuar me tej se shpreson qe disa nga partite e tjera opozitare te ndryshojne qendrim dhe te mblidhen ne nje tjeter seance per te kaluar ligjin.
“Duke shprehur keqardhjen qe nuk e votojme dot sot, mendojme se pavaresisht fushates, pala tjeter ose LSI dhe ndonje nga forcat e tjera qe vendos te bashkoje forcat me ne, te mblidhemi ne nje seance dhe ta miratojme kete ligj ne respekt te biznesit”, ka shtuar Berisha.
Top Channel
