Nje dite para se te perfundoje afati i deklarimit vjetor te interesave private te zyrtareve, Inspektoriati i Larte i Deklarimit dhe Kontrollit te Pasurive ngre strukturen antikorrupsion per te zbuluar raste te pastrimit te parave apo aktivitete te jashteligjshme qe lidhen me to.
Marreveshja e bashkepunimit mes Policise se Shtetit, Drejtorise se Pergjithshme te Parandalimit te Pastrimit te Parave, Avokatures se Shtetit dhe Drejtorise se Tatimeve, angazhon Inspektoriatin t’u percjelle ketyre institucioneve informacionin per cdo subjekt deklarues te dyshuar per evazion fiskal apo per pasuri te fituar nga krimi ekonomiko- financiar.
“Ne te gjitha rastet kur do te rezultoje se shteti eshte i demtuar nga zyrtaret e vet, Inspektoriati do te njoftoje Avokatin e Shtetit. Ky ka qene nje detyrim ligjor i permbushur nga vete Inspektoriati”, u shpreh Adriatik Llalla, kreu i Inspektoriatit.
Pervec rinovimit te marreveshjes qe i perket 2006, policia per here te pare atashon prane Inspektoriatit te Larte nje oficer kontakti, i cili percjell informacione prane organeve hetuese.
“Ky memorandum mirekuptimi behet ne kuadrin e ndryshimeve ligjore qe kane hyre ne fuqi”, u shpreh Arben Doci, drejtor i Drejtorise se Pergjithshme te Parandalimit te Pastrimit te Parave.
Marreveshja ndan detyrat e seciles pale, ku Drejtorise se Tatimeve i duhet te pershpejtoje procedurat ne rastet e verifikimit te pasurive te fituara nga zyrtaret me ane te fshehjes se detyrimeve fiskale.
Ndersa ne memorandum hyn per here te pare edhe Avokatura e Shtetit, te ciles i takon ndjeke rastet e pavlefshmerise se akteve dhe kontratave administrative te nxjerra ne kushtet e konfliktit te interesave.
Top Channel
