Kryetari socialist, Edi Rama, deklaroi se Shqiperia duhet t’i jape dinjitet shtetit ligjor dhe te mos luftoje korrupsionin me retorika e me masa anti-demokratike.
Duke folur ne Forumin per Sigurine dhe Politiken e Jashtme me temen “Politika e jashtme amerikane, administrate e re, doktrine e re”, Rama u shpreh se presidenti i ri i Shteteve te Bashkuara, Barak Obama, synon te jete miku i cdo vendi qe kerkon te jete dinjitoz.
“Ne duhet t’i japim dinjitet shtetit tone ligjor, bashkejeteses demokratike, t’i japim dinjitet marredhenieve te te zgjedhurve me zgjedhesit dhe t’i japim dinjitet politikes se sotme, qe vendos bazat e politikes te se nesermes”, u shpreh Rama.
Sipas kreut socialist, marredheniet me Shtetet e Bashkuara tani kane hyre ne nje kohe te re, ndersa shqiptaret kane qene gjithnje perkrah ketij kombi te madh.
Top Channel
