Konferenca e Kryetareve ka deshtuar ne mbledhjen e saj te pare per ngritjen e komisionit te posacem parlamentar, qe do te monitoroje pergatitjen e procesit zgjedhor.
Pas me shume se nje ore debat me dyer te mbyllura dy partite e medha nuk kane rene dakort per formatin e ketij komisioni, te kerkuar pak dite me pare nga kryetari i Partise Socialiste, Edi Rama.
Megjithese te dyja palet jane dakort qe ky komision te nise nga funksionimi, socialistet nuk kane pranuar propozimin e demokrateve qe komisioni te drejtohet nga dy bashkekryetare.
Numri dy i grupit parlamentar socialist Erion Brace tha per Top Channel, se ky format eshte i panevojshem, pasi mazhoranca nuk e ka te nevojshme te kete nje bashkekryetar, perderisa qeveria, veprimet e te cilet do te monitohen, u perket demokrateve.
Por nga ana tjeter kryetari i grupit demokrat, Astrit Patozi pohoi per Top Channel se mazhoranca, si cdo grupim tjeter parlamentar ka te drejte te ushtroje kontrollin e saj mbi qeverine, vecanerisht per procesin zgjedhor. Sipas zotit Patozi ne praktiken parlamentare gjate ketyre viteve komisionet e posacme jane drejtuar me bashkekryetare dhe ky rast nuk duhet te beje perjashtim.
Ky ishte dhe thelbi i debateve ne konferencen e kryetareve, e cila eshte nderprere nga kryetarja e kuvendit, Jozefina Topalli. Ajo u ka kerkuar paleve te nisin bisedimet per gjetjen e konsensusit, ne menyre qe komisioni i posacem per monitorimin e pergatitjes se procesit zgjedhor te nise sa me shpejt funksionimin dhe te kete mbeshtetjen e te gjitha paleve.
Top Channel
