Turneu i pare Grand Slam i vitit filloi menjehere me nje surprize. U eleminua qe ne raundin e pare Maria Sharapova.
Tenistja ruse u mund ne kete raund nga bashkekombesja e saj Maria Kirilenko 2-1 me sete. Kirilenko fitoi setin e pare ndaj Sharapoves me rezultatin 7-6, por ish numri 1 i botes fitoi te dytin 6-3. Ne setin final, Kirilenko u tregua me e sakte se Sharapova dhe arriti te fitoje 6-4. U kualifikua per me tej edhe Dinara Safina.
Numri 2 i renditjes boterore eleminoi ne raundin e pare Magdalena Ribarikova me rezultatin 2-0. Rusja, finaliste e vitit te kaluar te Australian Open i fitoi te dy setet e ketij takimi me te njejtin rezultat 6-4. Nje vend ne raundin e dyte te turneut australian e siguroi Kim Klijsters. Tenistja belge mundi ne ndeshjen e saj kanadezen Valeri Tetrol ne dy sete 6-0 dhe 6-4 duke e dominuar totalisht.
Per meshkuj, Rafael Nadal ka bere nje debutim pozitiv ne Australian Open ku mundi lehtesisht tenistin vendas Lukzak me tre sete 7-6 6-1 6-4. Nuk ka rezultuar po kaq e lehte ndeshja per Huan Martin Del Potro, te cilit iu desh te zhvillonte kater sete per te kaluar Rusell.
Gjithashtu ne raundin tjeter te slam-it australian kane kaluar dhe Murray e Rodick. Murray mundi ne ndeshjen e pare te tij amerikanin Kevin Anderson me rezultatin 3-0. Rodick fitoi ndaj holandezit De Baker 3-0, ndersa Del Potro kaloi amerikanin Michael Rusell 3-1.
Top Channel
