Pamje të turpshme, tifozët slloven i marrin simbolet tifozëve të Kosovës për t’i shkelur me këmbë 16/11 00:41
Të zgjedhurit socialist po presin procedurat ligjore për të marrë zyrtarisht detyrën. Një tjetër betejë parashikohet mes tyre dhe opozitareve, pasi kryebashkiakët e djathtë pritet të mos largohen edhe nëse do duan t’i largojnë forcërisht.
“Unë besoj se nuk varet vetëm nga unë. Besoj se shumica e qytetarëve do të jenë barrikadë e këtij grushti shteti”, tha kryebashkiaku i Kamzës.
Xhelal Mziun e gjetëm jashtë zyrës së tij, jo se është larguar nga detyra, por për punë. Pas 30 qershorit, rotacioni në bashkinë opozitare nuk do jetë i lehtë. Në karrigen e tij siguron se nuk do te ulet socialisti Rakip Suli.
“Nuk mundet që të drejtosh një bashki ku ke marrë vetëm 6% të votave. Do ta lë zyrën kur të bëhen zgjedhje normale. Janë 27 kryetarë bashkish që janë të gatshëm që të mbrojnë Kushtetutën, ligjin”, tha ai
Betimin e 30 qershorit se do mbrojë Kamzën deri në vetëflijim nuk e përsërit më.
Tërheqja nga plani për të pamundësuar zgjedhjet me 30 qershor pa opozitën shmangu përplasjen e madhe thotë Mziu.
“Jam i sigurt që nëse do të kishte përplasje mund rë kishte edhe qindra të vdekur. Personi më i interesuar në këtë kontekst është vetëm kryeministri”, u shpreh Xhelal Mziu.
Opozita ka rënë dakord për të mos lejuar rotacionin në Bashkitë e saj, ajo njeh vetëm 13 tetorin e Presidentit, deri në atë ditë janë të bindur se Rama do të ikë.
Top Channel
