Top Channel transmetoi i pari më datë 17 tetor detajet e dosjes së Habilajve. Prej orës 15:00 të asaj dite e deri më tani vijon cikloni politik, por po vijon edhe një hetim për Habilajt, ndërsa ish-ministrit Tahiri ju kontrollua banesa dhe u mor në pyetje nga Prokuroria.
Ish-Kryeministri Berisha disa ditë më pas kishte një variant të tijin se si dosja Habilaj u publikua.
“Dosjen ja dha Rama Topit (Top Channel). Topi u bë persekutori i Tahirit”, deklaronte ai.
Por cila është e vërteta? Të parët që publikuan vendimin e gjykatës për Habilajt ishin gazetarët italianë të Meridionews. Dario De Luka tregon se si nisi gjithçka dhe i jep edhe një përgjigjje ish-kryeministrit Berisha.
“Gjithçka ka nisur nga një komunikatë për shtyp e Guardia di Finanzia, që lajmëronte arrestimet e këtyre trafikantëve, italianë dhe shqiptarë. Më pas, përmes burimeve tona, arritëm të merrnim urdhërin dhe detajet kryesore të hetimeve dhe nga aty, u thelluam edhe më shumë në ngjarje. Ishim në Itali dhe në nivel ndërkombëtar, të parët që dhamë lajmin se mes të arrestuarve dhe të hetuarve, ishin edhe dy kushërinj të ish-ministrit”, thotë gazetari italian, Dario De Luca.
Top Channel: Ish-kryeministri tha se Top Channel-it, dosjen ja kaloi vetë Kryeministri. Cila është e vërteta? Sepse ju jeni të parët që mësuat për këtë hetim.
Dario De Luca: E përgënjeshtrojmë në mënyrë absolute ish kryeministrin Berisha, sepse pasi publikuam lajmin, kemi bashkëpunuar me Top Channel. Top Channel na kërkoi dokumentacionin dhe ne ja dhamë kolegëve shqiptarë, që më pas bënë hetimet e tyre më të thella.
Top Channel: Nga përgjimet, nga ajo që ju dini, rezulton se duhet të jetë nën hetim edhe Saimir Tahiri.
Dario De Luca: Duke lexuar aktet e hetimit, sipas meje s’ka supozime për një hetim. I referohen atij në dy raste, por Saimiri që citohet në një pasazh tjetër është një kamionist. Nuk dihet asgjë se për çfarë detyrash.
Top Channel: Vetëm dy herë?
Dario De Luca: Po. Saimiri citohet në letrat e hetimit në disa pasazhe.
Top Channel: Për të qënë sa më specific, ish-ministri dmth?
Dario De Luca: Po, ish-ministri. Ai citohet në disa pasazhe. Në njërin pasazh, u referohen parave dhe ata thonë Saimir, flasin për Saimirin dhe sipas Guardia Di Finanzia, ky Saimiri është ish-ministri. Në një pasazh tjetër, i referohen gjithnjë këtij emri, por identifikohet si një kamionist, shoferin e një kamioni.
Top Channel: Është ai?
Dario De Luca: Nuk duhet të jetë ai.
Top Channel: Duke parë të gjitha gjërat mbi këtë grup, mendon se mbyllet gjithcka këtu me këto 12 arrestime apo hetimet do të zgjerohen për këtë grup?
Dario De Luca: Hetimi me siguri do të vazhdojë. Do të vazhdojë, pastaj ka një periudhë kohe teknike, brenda së cilës do të mbyllet dhe nga aty do të nisë rrugëtimi gjyqësor, pra procesi. Sigurisht që është një hetim vërtet i madh sepse në mes ka patur 21 sekuestrime për drogë ndaj ky rrjet narko-trafikantësh, nuk është i limituar në 12 persona por shumë më tepër, ndaj dhjetëra dhjetëra persona.
Edhe pse ju drejtuam me kërkesë zyrtare Guardia di Finanzas për të marrë një qëndrim të tyre mbi zhvillimin e hetimeve, burkoracitë dhe marrja e lejes nga Roma, e bëri të pamundur përgjigjen e tyre. Por gjithsesi, jozyrtarisht na thuhet se tashmë ky grup është shkatërruar.
Top Channel
