Studentët në protestë; Kundër pagesës ndërsa nuk ndjekin studimet

“Në fakultetin e Shkencave Mjekësore Teknike që jam unë tani ka një standard të tillë që: studentët të cilët nuk marrin dot diplomën detyrohen që të paguajnë tarifën e plotë 400 mijë lek. Ndërsa për fakultete e tjera studentët të cilët nuk e marrin dot diplomën paguajnë vetëm kreditët e atyre lëndëve. Pedagogët e shfrytëzojnë këtë rast duke bërë abuzimet e tyre. Sepse ata e dinë shumë mirë që studentit nuk i leverdis të paguaj 400 mijë lekshin dhe studentit e ka fare mirë të paguaj atë 100 mijë lekshin për të marë atë provimin”, shprehet Kelvi Pilinci kryetar i Këshillit Studentor.

“Kjo është një vlerë shumë e madhe kur e dimë që në universitet e tjera paguajnë vetëm 5 mijë lek të vjetra për kredit që mund të shkojë 35 mijë lek ose maksimumi 40 mijë lek mund të paguaj maksimumi për një provim që mund të jetë i mbartur”, shprehet një student tjetër.

“Ne mezi po vijmë të themi për të paguar tarifën që kemi, dhe jo më të paguajmë një tarifë shtesë”, thotë një student tjetër.

Numri i krediteve të një degë pranë Fakultetit të Shkencave Mjekësore teknike është 180, por nëse një student ka më shumë se 150 kredite atëherë ai nuk ka nevojë të paguaj tarifën e shkollës dhe as kreditet e lëndës përkatës. Rektori Arben Gjata thotë se asgjë nuk ndryshon.

“Në Universitetin e Mjekësisë për t’u quajtur përsëritës duhet që të kesh në vitin e tretë më pak se 150 kredite. Në qoftë se ke më shumë se 150 kredite atëherë këto provime quhen të mbartura dhe studentët nuk kanë nevojë të paguajnë para. Në qoftë se ke më pak se 150 kreditë në bazë të rregullores quhesh përsëritës dhe je i detyruar të paguash tarifën e plotë të studimit. Kërkesa e tyre do të trajtohet sipas rregullores së Universitetit dhe sipas VKM-së përkatëse”, tha Arben Gjata, rektor i Universitetit të Mjekësisë.

Top Channel