Një grua amerikane u arrestua pasi qëlloi me pistoletë në kokë ditën e dielë një shokun e saj brenda një makine, në momentin kur loja e rrezikshme me armën e zjarrit po transmetohej në Facebook Live.
Videoja e tmerrshme, që është parë me mijëra herë nëpër rrjetet sociale, tregon momentin kur qëllohet Devyn Holmes, i cili aktualisht është në koma.
Fillimi i videos tregon Holmesin që kap një pistoletë dhe e shikon. Më pas, një burrë në sediljen e pasme shihet duke e kthyer pistoletën në mes të Holmesit dhe Cassandra Damperit. Gruaja e merr pistoletën dhe ia drejton kamerës, ndërkohë që Holmes i kap dorën dhe i thotë që po e bën nervoz.
Por, burri që qëndron pas mundohet ta qetësojë situatën, duke thënë se pistoleta nuk ka plumba. Në këtë moment, gruaja e merr armën dhe ia drejton Holmesit duke e shkrepur e duke e plagosur rëndë.
Top Channel
