Recetë /Supë aziatike me peshkatriçe

Përbërësit për këtë recetë janë:

1 Peshkatriçe e plotë.

Thjerrëza të ziera

Sallatë valeriana

Çaj mali

Panxhar

Misër i skuqur

Spec djegës

Herba çipolino

Limon

Mente

Bukë e thërrmuar me ullinj

Gjalpë

Kripë

Vaj ulliri

Piper

Përgatitja:

Marrim peshkatriçen dhe e ndajmë në dy pjesë, ku pjesën e kokës e fusim për ta zier që të bëjmë lëngun e supës ndërsa nga trupi nxjerrim filetot.

Pjekjen e filotove e bëjmë në qese vakumi, ku brenda janë të marinuara me çaj mali, gjalp, kripë dhe piper. Pjekja bëhet në furrë 70 gradë, për 10 – 15 minuta, me banjomari. Pra qesen me filetot e peshkatriçes do ta vendosim brenda një tave me ujë. Metoda e pjekjes me vakum është më e preferuar sepse peshku nuk i humbet vlerat.

Ndërkohë që piqen filetot, koka e peshkut ka zier dhe lëngu është trashur. Me këtë lëng ne përgatisim supën në stilin aziatik me salcë soje. Hedhim lëngun në një tigan. I shtojmë salcën e sojës. Pak limon dhe pak spec djegës. E lejmë që të ziejë.

Ndërkohë heqim filetot nga furra. I nxjerrim nga qesja e vakumit ku kanë marrë aromën e cajit të malit. I kalojmë pak në skuqje me gjalp dhe vaj ulliri sat ë marrin pak karamelizim. Më pas marinojmë thjerrzat e ziera, I shtojmë menten, pak vaj ulliri, piper, kripë dhe I përziejmë. Më pas I shtrojmë në pjatë. Marrim edhe panxharin e zier dhe ia vendosim sipër. I shtojmë edhe pak misër dhe gjethe valeriana. Ndërkohë fileton e peshkut e presim, i hedhim sipër bukën e thërrmuar me ullinj. Më pas e vendosim në pjatë mbi thjerrëzat. I vendosim sipër erba çipolino. Në fund e zbusim të gjithë pjatën me supën e përgatitur më parë me kokën e peshkut dhe krem soje. Disa pika vaj ulliri sipër dhe pjata jonë është gati.

Top Channel