Receta/ Kek brownie me gluten free

Për të realizuar këtë recetë na duhet:
6 të verdha vezësh
6 të bardha
250 gram gjalpë
250 gram sheqer
250 gram çokollatë fondente
Miell bajamesh ( miell gluten free)

Përgatitja:
Hedhim në mikser të verdhat e vezëve dhe sheqerin për tu rrahur 3-4 min, pasi masa mblidhet pak hedhim edhe sasinë e gjalpit dhe i vendosim sërish në mikser në shpejtësi mesatare 3-4 min. Ndërkohë vendosim çokollatën në mikrovalë për tu shkrirë.

Heqim çokollatën e shkrirë nga mikrovala dhe e hedhim në mikser ku kemi vendosur sheqerin, të verdhat e vezës dhe gjalpin, i kalojmë në mikser sërish dhe pasi masa është homogjenizuar e heqim nga mikseri për të rrahur të bardhën e vezës. Ndërkohë hedhim në mikser 6 të bardha të vezëve dhe i vendosim për të rrahur dhe pasi është krijuar një shkumë e plotë e hedhin tek masa që kemi përgatitur më parë dhe i përziejmë të gjitha bashkë derisa të homogjenizohen dhe në fund hedhim miellin e bajames, miellin gluten free . Masën e hedhim në formë dhe e vendosim në furrë në një temperaturë 180 gradë për rreth 20-25 min.
Ju bëftë mirë!

Top Channel