Faji i veshjes? Ekspozitë me rrobat e viktimave të përdhunimeve
11/01/2018 18:04
Kina i shtrin dorën Trump! Xi Jinping: Jam gati të punoj me presidentin e zgjedhur 17/11 14:55
Rroba të veshura nga viktima të përdhunimit në momentin që janë sulmuar, dolën në një ekspozitë në Bruksel.
Ekspozita është hapur në lagjen Molenbeek të kryeqytetit belg dhe ideatorët e saj synojnë të “çmitizojnë” mitin që si faktor nxitës të përdhunimeve janë edhe “veshjet e gabuara dhe provokuese”.
“A kam faj unë?”, është titulli i ekspozitës. Rrobat janë marrë me qira nga grupi CAW East Brabant, një organizatë që u vjen në ndihmë viktimave të përdhunimit për të tejkaluar traumën e pësuar.
“Janë veshje krejtësisht normale! Janë veshje të njerëzve normalë, madje është edhe bluza e një fëmije me një shkrim “My Little Pony”, thotë Lieshbeth Kennes, një prej organizatoreve të ekspozitës.
Kennes thotë se viktimat e këtij fenomeni vazhdojnë të fajësohen pjesërisht për veshjen, sjelljen e madje edhe pse shëtit me biçikletë.
“Ka vetëm një person përgjegjës dhe i vetmi që mund të parandalojë një përdhunim dhe ai person nuk është viktima, por agresori”, thotë Kennes.
Top Channel
