“Kam therur dikë për vdekje kur isha adoleshent”

Udhëheqësi i shumëpolemizuar, i njohur për gjuhën e tij shumëngjyrëshe, ndodhet në Vietnam për Samitin e bashkëpunimit ekonomik Azi-Paqësor, ose “APEC”, dhe i tha atje një komuniteti filipinas se ishte burgosur dhe më pas ishte lënë i lirë, pasi kishte therrur dikë me thikë duke i shkaktuar vdekjen, kur ishte 16 vjeç.

Grupet e të drejtave të njeriut kanë kritikuar fushatën antidrogë të Dutertes, që deri më tani i ka marrë jetën më shumë se 3.900 përdoruesve dhe shpërndarësve të drogës, në atë që policia e quan vetëmbrojtje pas arrestimeve të të dyshuarve të armatosur që bëjnë rezistencë.

Në dhjetor, Duterte tha se ai personalisht kishte vrarë kriminelë kur ishte kryebashkiak i qytetit Davao, e zëdhënësi i tij u detyrua të sqaronte më pas se e kishte bërë këtë në kuadër të operacioneve legjitime policore.

Top Channel