Shkëmbi ikonik në Australi, ndalohet ngjitja në Uluru

Monoliti gjigant me ngjyrë të kuqe në territorin verior është një vend i shenjtë për australianët aborigjenë. Banorët lokalë prej kohësh i kërkojnë vizitorëve të mos ngjiten në majën që njihej prej vitesh si shkëmbi Ajers.

Tabela në fillim të ngjitjes i kërkojnë njerëzve të mos e bëjnë këtë në respekt të ligjit tradicional të populli aborigjen Anangu, që janë edhe gardianë të territoreve.

“Është një vend jashtëzakonisht i rëndësishëm, nuk është një park lodrash si Disneylandi”, tha kryesuesi i bordit Sammy Uillson.

“Nëse unë udhëtoj në një vend tjetër ku ka një vend të shenjtë apo një zonë ku aksesi është i kufizuar, unë nuk ngjitem dhe e respektoj atë”, shtoi ai.

Sipas tij, populli Anangu është ndjerë prej vitesh i bezdisur për ngjitjet mbi shkëmbin që është në të vërtetë një atraksion i madh turistik. Ata kanë kërkuar në vijimësi që ngjitja në zonën e shenjtë të burrave të ndalohet për shkak të domethënies kulturore të tij.

“Ndalimi i ngjitjeve është dicka që pritet të zemërojë ndokënd por është edhe motiv për festime për shumë të tjerë”, tha ai. Unesco e ka përfshirë monolitin në listën e trashëgimive botërore. në 1985 ai i është kthyer në kontroll pronarëve të tij tradicionalë. Më shumë se 250 mijë persona vizitojnë Ulurunë çdo vit, sipas sajtit të internetit të parkut kombëtar.

Top Channel