Reforma në OSHEE, testohen 600 punonjës të Tiranës
31/10/2017 09:06
Aksident tragjik në Greqi, humb jetën një 21-vjeçar shqiptar 05/05 08:47
OSHEE ka nisur reformën në burime njerëzore, ashtu dhe siç tha dy javë më parë vetë administratori i saj, Adrian Çela, kur shpalli publikisht konkursin për 11 vakante për drejtorë rajonalë.
Testimet e para kanë nisur për punonjësit e terrenit. Kështu, OSHEE Tiranë, ka testuar deri më tani 400 punonjës, kryesisht elektricistë, verifikues matjesh, analist të dhënash, etj,.
Drejtori për Rajonin e Tiranës, Klevis Jahaj, deklaroi se testimet do të vijojnë, dhe brenda kësaj jave nisin për 200 punonjësit e Kujdesit ndaj Klientit dhe Arkave.
Procesi i testimit konsiston në formimin e përgjithshëm, jo vetëm nga ana teorike, por dhe në nivelin praktik të kryerjes së funksioneve, përfshi edhe njohuritë mbi sigurimin teknik që janë shumë të nevojshme, veprime që kryhen në lidhje me pajisjet elektrike, etj.
“Jemi duke përpunuar rezultatet e testimit, për 400 punonjësit e parë të Tiranës. Qëllimi është për të identifikuar, jo vetëm përputhshmërinë me profilin që kanë marrë përsipër të realizojnë pranë OSHEE, por dhe për të parë nevojën për trajnime të mëtejshme. Nëse ka punonjës që nuk janë në përputhshmëri me kërkesat e kompanisë, pa diskutim do të ketë dhe vendimmarrje me largime nga puna”, deklaron Jahaj.
Faza e dytë e testimit do të përfshijë pozicionet në nivele menaxheriale, përputhshmëria e pozicionit të punës me arsimimin. I gjithë procesi për Tiranën pritet të mbyllet brenda muajit Nëntor, dhe se pritet të shtrihet në të gjitha drejtoritë rajonale.
Top Channel
