Dita e të vdekurve, nis festa në Mexico City
31/10/2017 13:00
“Shpërthejnë” protestat kundër kandidatit pro-rus për president të Rumanisë 27/11 08:19
Mexico City u gjallërua të hënën, në “Ditën e të vdekurve”, me një ceremoni të madhe dedikuar të dashurve që nuk jetojnë më, në sheshin kryesor të qytetit, “Zocalo”.
“Dita e të vdekurve” është një traditë prehispanike, në të cilën familjet kujtojnë të vdekurit dhe festojnë vazhdimësinë e jetës.
Në shesh ofroheshin shumë gjëra për të vdekurit, mes tyre fotografi, ushqime, qirinj, lule, sende personale, kafka prej sheqeri, skelete prej letre dhe ëmbëlsira. Altari i “Zocalo”-s është më i madhi në vend.
Ngjarja e përvitshme bazohet në besimin se, të vdekurit kthehen një herë në vit nga bota e përtejme. E për të shënuar kthimin e tyre, meksikanët krijojnë altarët e “ditës së të vdekurve”. Duke djegur temjan dhe qirinj, pjesëmarrësit dekorojnë altarët me kafka prej sheqeri, arkivole çokollate, skelete letrash dhe foto të të vdekurve. 1 nëntori iu rezervohet fëmijëve që kthehen nga jeta e përtejme, ndërsa 2 nëntori të rriturve.
Festimet e “ditës së të vdekurve” në Meksikë konsiderohen një trashëgimi kulturore nga UNESCO, e gjatë këtyre ditëve, turistët e huaj janë të panumërt zakonisht.
Top Channel
