Azi, 46 të vdekur nga shpërthimi në fabrikën e fishekzjarreve
26/10/2017 15:07
Tragjike në Itali/ Ishin duke bërë ski, dy alpinistët humbin jetën, dyshohet se… 22/02 22:57
Të paktën 46 persona kanë humbur jetën, 46 të tjerë kanë mbetur të plagosur dhe 10 konsiderohen të humbur si pasojë e një seri shpërthimesh të ndodhura në një fabrikë fishekzjarresh në Indonezi.
Shpërthimi ndodhi rreth orës 09:00 me orën lokale, në një kompleks industrial në lokalitetin Tangerang, në perëndim të kryeqytetit Xhakartë.
“Jemi ende duke evakuuar viktimat. Për momentin aty janë 46 trupa të pajetë”, ka deklaruar shefi i policisë lokale për agjencinë e lajmeve “AFP”.
Ndërkohë, zjarri është vënë nën kontroll dhe të plagosurit janë dërguar në 3 spitale, ndërsa në vendngjarje ekspertë të policisë shkencore po bëjnë mbikëqyrjen për zbardhjen e shkaqeve të shpërthimit.
Autoritetet thanë se shumica e viktimave u gjetën të bllokuar në një depo mbrapa fabrikës. “Viktimat nuk njihen, janë djegur tërësisht”, tha një zjarrfikës.
Top Channel
