Gjykata e Tiranës nuk ka pranuar rihapjen e hetimit gjyqësor për ish-administratorin e DIA-s, Kastriot Ismailajn.
Vetë i pandehuri kërkoi në seancën e së martës që të rihapte shqyrtimin gjyqësor pasi kishte siguruar sipas tij 100 prova të reja që duhet të shqyrtoheshin nga gjykata.
Pasi u njoh me provat e paraqitura, të cilat ishin kryesisht fletë-shërbimi, kontrata qiraje, mandate pagesash për punë të kryera, vendime mosfillimi të prokurorisë apo vendime pushimi të gjykatës, trupi gjykues nuk e pranoi rihapjen e shqyrtimit gjyqësor, duke i kthyer mbrapsht provat.
Në seancën e radhës pritet të jepen konkluzionet e mbrojtjes, ndërsa prokuroria ka kërkuar dënimin e Ismailajt me 15 vite burgim për akuzën e mashtrimit me pasoja të rënda.
Top Channel
