Shqipëria në samitin botëror të Terrorizmit
12/09/2017 00:00
Humbi kontrollin mbi ‘Jet Ski’ dhe ra në ujë, shtetasi belg përfundon në spital me dëmtime të rënda 15/06 22:51
Shqipëria merr pjesë në samitin botëror të Terrorizmit që mbahet në Herzliya, Tel Aviv të Izraelit.
Delegacioni kryesohet nga drejtori i antiterrorit në Policinë e Shtetit Gledis Nano. Në këtë aktivitet të rëndësishëm marrin pjesë personalitete të larta të politikës dhe agjencive ligjzbatuese e inteligjente nga mbarë bota.
Në dy ditët e para delegacioni shqiptar ka zhvilluar një sërë takimesh me drejtues të ICT, Instituti Ndërkombëtar kundër Terrorizmit, dhe me agjencitë ligjzbatuese homologe Izraelite të luftës kundër terrorizmit.
Gjatë këtyre takimeve u shpreh gatishmëria e palëve për të mbështetur strukturat e antiterrorit me trajnime dhe logjistikë bashkëkohore si dhe asistencë për ndjekjen e rasteve specifike me interes të përbashkët.
Në ditët në vijim do trajtohen kërcënimet aktuale dhe masat për t’ju kundërpërgjigjur bashkërisht fenomenit.
Top Channel
