Lagështia, aksidente në Rrugën e Kombit
12/09/2017 00:00
Humbi kontrollin mbi ‘Jet Ski’ dhe ra në ujë, shtetasi belg përfundon në spital me dëmtime të rënda 15/06 22:51
Rajoni i Kukësit gjatë 24 orëve të fundit është përfshirë nga reshje shiu dhe erëra të forta duke krijuar vështirësi në qarkullimin e automjeteve sidomos në mesnatë.
Reshjet e shiut dhe prania e lagështisë në rrugë solli probleme edhe në Rrugën e Kombit.
Një kamion dhe një autoveturë që po udhëtonin drejt Kosovës, dolën nga rruga në segmentin Kukës-Morinë. Ngjarja ndodhi në orët e vona të së hënës, dy kilometra larg Doganës së Morinit.
Kamioni drejtohej nga një shtetas maqedonas. Policia, e cila mbërriti në vendngjarje tha se drejtuesi i automjetit ka humbur kontrollin gjate frenimit nga prania e lageshtisë në rrugë, e për pasojë kamioni ka devijuar duke dalë jashte rrugës e përplasur me skarpatën e anësore.
E njejta situatë ndodhi edhe me autoveturën që drejtohej nga një shtetas kosovar, i cili gjatë manovrimit doli nga rruga.
Fatmirësisht nga aksidentet nuk pati të lënduar, por vetem dëme materiale. Në vendngjarje shkuan edhe zjarrfikësit e Bashkisë Kukës për të larë rrugën për shkak se nafta dhe vajrat lubrifikantë që u derdhën mund të shkaktonin aksidente të tjera.
Top Channel
