Rreth 33 mijë nxënës janë ulur këtë të hënë për herë të parë në bankat e shkollës, për të nisur një rrugëtim sa të gjatë e të vështirë, po aq edhe të bukur.
Kamera e Top Channel shkoi në një nga shkollat e kryeqytetit, ku bisedoi me disa nga vogëlushët.
– Si ndihesh sot?
– Unë mezi prita gjithë verës që të vij në klasë të parë.
– I ke blerë të gjithë librat?
– Po, i kam blerë. Kam harruar vetëm një.
Por emocioni i kësaj dite, që të shoqëron gjatë, të bën të mos ndjesh as lodhjen që të shkakton çanta e madhe mbi shpinë, e cila peshon shumë.
– Është e rëndë çanta?
– Po, është.
– I ke blerë të gjithë librat?
– Po, kam harruar vetëm një.
– Po çfarë ke futur tjetër në çantë që peshon kaq shumë?
– Një fletore pune dhe një portofol.
– Si ishte dita e parë e shkollës?’
– Shumë e bukur.
Gezimi i ditës së parë nuk shuhet edhe pas përfundimit të mësimit, ndërkohë që javën e parë do ta përfundojnë mësimin shpejt.
“Dita e parë ishte shumë e bukur. Mësuesja ishte shumë e mirë”, u shpreh një vogëlushe.
Top Channel
