Mbytet një person në Liqenin e Tiranës
31/07/2017 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Një 50-vjeçar humbi jetën ndërsa po notonte në liqenin artificial të Tiranës. Trupi i tij u gjet pas kërkimesh dyorëshe të polumbarëve.
Ngjarja u regjistrua në kryeqytet rreth orës 17:00 të së hënës. Policia iu përgjigj një thirrjeje telefonike në sallën operative ku u lajmërua për zhdukjen në liqenin të një 50-vjeçari. Dëshmitarët thanë se ai u fut në liqen për t’u freskuar dhe pasi bëri disa metra not u zhduk nga sipërfaqja e ujit.
Forcat e rendit shkuan në vendin e ngjarjes dhe konstatuan rrobat e burrit dhe lajmëruan polumbarët për kërkimin e trupit.
Pas më shumë se 120 minutash u gjet edhe trupi i pajetë. Duke hetuar në vendin e ngjarjes policia bëri me dije se është një mbytje aksidentale, nisur edhe nga këqyrja e parë e vendit ku ndodhi mbytja.
Megjithatë, ajo tha se është në pritje të ekspertizës mjekoligjore. Kufoma u dërgua në morgun e Tiranës, për ekzaminime të mëtejshme. Policia tha se është duke u përpjekur për të gjetur identitetin e viktimës, pasi nuk kishte letërnjoftim me vete.
Top Channel
