Nga Vlora në Tiranë, arrestohet grabitësi
18/07/2017 00:00
Tentuan të korruptojnë policinë për të shmangur ndëshkimin, në pranga dy shtetas 15/09 11:27
Erdhi nga Vlora për të grabitur, por aventuara e tij përfundoi shumë shpejt. Policia e Tiranës ka vënë në pranga një 28-vjeçar, i cili dyshohet të jetë autori i tentativës së grabitjes së argjendarisë mëngjesin e së hënës në rrugën e Dibrës, ku mbeti i plagosur edhe pronari Vangjel Kashara.
Albin Nazaj u vu në pranga pak orë pas ngjarjes, jo shumë larg vendit të krimit. Ai u ndalua nga policia në rrugën “5 Maji”, ndërkohë që rezulton person me precedentë penalë.
Nazaj rëzulton i dënuar më parë për veprat penale të “Vjedhjes”, “Kundërshtimi punonjësit të rendit publik” dhe “Moskallëzim krimi”.
Në momentin e ndalimit, atij nuk i është gjetur arma e krimit. Hetuesit dyshojnë se pistoletën me të cilën për pak i mori jetën pronarit të argjendarisë, Nazaj mund ta ketë hedhur në ndonjë kazan mbeturinash.
Policia po ashtu po verifikon nëse 28-vjeçari ka vepruar i vetëm, pasi nuk përjashtohet mundësia të ketë patur bashkëpuntor.
Ndërkohë, pronari i argjendarisë ndodhet jashtë rrezikut për jetën.
Në një grabitje tjetër të argjendarisë së familjes, në vitin e largët 1997, mbeti e vdekur Flutura, e ëma e Vangjel Kasharës. Në atë kohë kjo ngjarje mbeti pa autor.
Top Channel
