Punësimi në administratën publike tashmë do të realizohet vetëm përmes meritokracisë. Nga Korca, deputeti socialist Niko Peleshi tha se shkëputja e administratës nga ndikimi politik do të rrisë eficencën e institucioneve, në nivel lokal dhe qëndror.
Kryefjalë të këtij mandati të dytë të socialistëve, ish numri dy i qeverisë konsideron pikërisht reformimin e administratës shtetërore.
“Shkëputja e administratës nga ndikimi politik sipas Peleshit do të sjellë një standart europian dhe do të risë eficencën e institucioneve në nivel qëndror dhe lokal….”, thotë Niko Peleshi.
Peleshi u ndal edhe tek turi i dëgjesave që ka nisur prej disa ditësh në të gjithë vendin, për të qënë sa më pranë qytetarëve për të përcaktuar së bashku prioritetet e qeverisjes për 4 vitet e ardhshme pasi sipas tij, ndonëse më 25 qershor PS fitoi në votë masive zgjedhjet, problemet në Shqipëri ende nuk kanë mbaruar.
Top Channel
