Pasditen e kësaj të diele, një tjetër ngjarje e rëndë është shënuar në lagjen “Bahçallëk” të Shkodrës, pranë bregut të lumit Buna, ku gjatë një konflikti të çastit është plagosur me armë zjarri një shtetas.
Incidenti i orës 18 ka për viktimë 22-vjeçarin R.Th., banues në lagjen “Fahri Ramadani” të qytetit të Shkodrës, i cili ndodhet në Spitalin Rajonal të qytetit jashtë rrezikut për jetën.
Në vendngjarje është nisur një grup hetimor për të mësuar rrethanat e ngjarjes, ndërkohë që policia po punon për identifikimin e autorit apo autorëve. Por, edhe kjo ngjarje raportohet të mos ketë lidhje me procesin zgjedhor.
Në një raportim të mëhershëm paraprak, Policia e Shkodrës njoftoi se autori i dyshuar, i shpallur në kërkim, është 23-vjeçari T.P., nga Shkodra.
Top Channel
