Një incident për motive të dobëta mes dy personave në Durrës është publikuar në rrjetet sociale, duke u interpretuar si për shkaqe politike.
Por, policia e Durrësit ka reaguar shumë shpejt për të dhënë sqarime mbi të.
Në këtë incident janë përfshirë dy shtetas, si rezultat i një konflikti të mëparshëm në Itali mes autorit dhe të dëmtuarit, që siç thonë forcat blu, ka ardhur për arsye punësimi.
I dëmtuar lehtë ka përfunduar shtetasi Xh. M., 26 vjeç, i cili po merr mjekim në Spitalin Rajonal të Durrësit, por jashtë rrezikut për jetën.
Gjithashtu, policia njofton se është identifikuar autori i ngjarjes dhe po punon për kapjen e tij.
Top Channel
