Prokuroria e Tiranës kërkon dënimin me 7 vite burg për ish-lojtarin e Kombëtares dhe ish-trajnerin e Kombëtares shqiptare të femrave, Altin Rraklli, i cili akuzohet për veprën penale të mashtrimit me pasoja të rënda.
Sipas hetimeve të Prokurorisë, Rraklli dyshohet se ka mashtruar një shtetas, të cilit i ka marrë një shumë prej 150 mijë eurosh, për të mos ia kthyer më.
Avokati i Rrakllit, në mungesë të klientit të tij kërkoi gjykim të shkurtuar, duke pranuar aktet e dosjes hetimore, kërkesë e cila u pranua nga gjykata.
Me procedurën e gjykimit të shkurtuar, nëse Rraklli do të shpallet fajtor, ai do të përfitojë ulje sa 1/3-ta e masës së dënimit që do të vendoset në fund nga gjykata.
Vendimi ndaj Altin Rrakllit pritet të jepet nga Gjykata e Tiranës pas dy javësh.
Top Channel
