Gjykata e Tiranës dënoi me dy vite burgim shtetasin italian Antonio Abruzzio, i cili u shpall fajtor për akuzën e falsifikimit të dokumenteve.
Abruzzio është administrator i firmës “Ecologica”, e cila nëpërmjet dokumenteve të falsifikuara kishte hyrë në procedurat e tenderimit për të fituar të drejtën e pastrimit të pjesës lindore të Tiranës.
Por komisioni i veirifikimit konstatoi se firma në fjalë, nëpërmjet administratorit Abruzzio kishte paraqitur të gjithë dokumentacionin e falsifikuar sa i takon mjeteve dhe makinerive të pastrimit.
Ministria e Financave konfrimoi gjatë gjykimit se mjetet nuk kishin kolaudim dhe kishin të dhëna të tjera fiziko-teknike krahasuar me ato që ishin paraqitur në dokumentacion.
Me të njëjtat dokumenete, Abruzzio ka tentuar të marrë edhe pastrimin e qytetit të Kavajës. Pas vendimit, shtetasi italian pritet të shpallet person në këkrim, pasi gjykimi ndaj tij është bërë në mungesë.
Top Channel
