Dhjetëra forca policie jo vetëm nga Tirana, të ndërhyrjes së shpejtë por edhe nga policia në rrethe janë vendosur përreth kryeministrisë në vijim të planit të masave për protestën e opozitës që mbahet këtë të shtunë.
Policia thotë se janë më shumë se 2000 efektivë pa llogaritur agjentët e krimeve të cilët po vezhgojnë elementët me prirje të dyshimta.
Pak orë para protestës së opozitës drejtori i Përgjithshëm i Policisë së Shtetit, Haki Çako takoi Prokurorin e Përgjithshëm ndërkohë që asnjë prej tyre nuk dha një deklaratë mbi arsyet e këtij takimi, megjithëse zyra e shtypit njofti se do të kishte një deklaratë për shtyp, e cila u anullua në çastet e fundit.
Policia e Shtetit njoftoi se Partia Demokratike nuk i ka plotësuar kushtet për ta konsideruar protestën ligjore. Burimet thane më herët se policia në Tiranë dhe në qarqe ka shoqëruar dhjetëra persona me prirje antiligjore dhe precedentë kriminale.
Top Channel
