Një 26-vjeçar shqiptar u arrestua gjatë orëve të para të mëngjesit të së dielës në Kalpaqi të Janinës, 25 kilometra larg kufirit shqiptar, pasi në automjetin e tij u gjet një sasi prej 101 kilogramë kanabis.
Sipas departamentit të antidrogës së Janinës, 26-vjeçari e ngarkoi lëndën narkotike në kufirin e gjelbër mes Shqipërisë dhe Greqisë dhe po e dërgonte atë në Athinë, në momentin që u ndalua prej policisë në postobllokun e Kalpaqit.
Agjentët grekë e kishin vënë re gjatë momentit të ngarkimit të lëndës narkotike dhe e ndaluan mjetin me targa greke, ku ndodhej kanabisi.
Dyshohet se shqiptari është pjesë e një organizate shqiptare të trafikut të drogës.
Automjeti i përdorur dhe dy aparate celularë u sekuestruan, ndërsa 26-vjeçari do të dërgohet në gjykatë për masë sigurie.
Top Channel
