Aksident me traktor në Devoll, një i vdekur e një i plagosur rëndë
01/05/2017 00:00
Një i ri ka gjetur vdekjen dhe një tjetër është plagosur rëndë si pasojë e një aksidenti të ndodhur me një traktor.
Ngjarja e rëndë ka ndodhur në fshatin Çetë në zonën e Devollit. 24-vjeçari me inicialet A.K., ka humbur kontrollin e mjetit traktor që drejtonte dhe ka dalë jashtë rruge.
Për pasojë, vetë A.K. ka gjetur vdekjen, ndërkohë që është plagosur dhe ndodhet në spital në gjendje të rëndë shëndetësore shtetasi 20-vjeçar me inicialet D.B., që ndodhej pasagjer në mjet.
Grupi hetimor ka mbërritur në vendin e ngjarjes dhe po punon për zbardhjen e saj.
Top Channel